ҮАГ 172 бие даан нэр дэвшигчийн мөрийн хөтөлбөрт дүгнэлт гаргаж, СЕХ-д хүргүүлжээ
2020-05-25 09:21

Үндэсний аудитын газраас бие даан нэр дэвшигчдээс ирүүлсэн мөрийн хөтөлбөрийг хуулийн дагуу хянаж, 172 иргэний мөрийн хөтөлбөрт дүгнэлт гаргажээ.

Нийт 208 иргэнээс ирүүлсэн мөрийн хөтөлбөрийг хүлээн авснаас 7 иргэн мөрийн хөтөлбөрөө өөрийн хүсэлтээр буцаан авснаар 201 мөрийн хөтөлбөрт аудит хийж 121 иргэний мөрийн хөтөлбөрт хуульд заасны дагуу холбогдох дүгнэлт гарган буцаасан байна. 

Буцаасан мөрийн хөтөлбөрийг 5 хоногийн дотор хуульд нийцүүлж дахин Үндэсний аудитын газарт ирүүлэх боломжтой бөгөөд уг хугацаанд 92 иргэн мөрийн хөтөлбөрөө ирүүлсэн байна. 

Ингээд нийт 172 иргэний мөрийн хөтөлбөрт холбогдох дүгнэлт гаргаж, тухайн иргэнд мэдэгдсэн бөгөөд үүнээс дүгнэлтээ авсан 158, дүгнэлтээ аваагүй 14 иргэн байна.

Үндэсний аудитын газар нь Төрийн аудитын тухай хуулийн 15 дугаар зүйлийн 15.1.17. дахь заалт, Монгол Улсын Их Хурлын сонгуулийн тухай хуулийн 38 дугаар зүйлийн 38.5-д заасны дагуу ирүүлсэн мөрийн хөтөлбөрийг хянаж, хуулийн хугацаанд дүгнэлтээ гарган Сонгуулийн Ерөнхий Хороонд хүргүүлжээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй