Гитлерийн матар амьсгал хураажээ
2020-05-25 10:10

Фашист Германы удирдагч агсан Адольф Гитлерийн тэжээж байсан гэгддэг Сатурн хочит матар хойд хөршийн нийслэл Москва хотын амьтны хүрээлэнд тавдугаар сарын 22-нд таалал төгссөн байна.

“Манай нас өндөр болсон миссисипийн матар Сатурн өчигдөр өглөө нас барлаа. Тэр ойролцоогоор 84 настай байсан юм. Зэрлэг байгальд энэ төрлийн матар 30-50 жил амьдардаг” гэж амьтны хүрээлэн албан ёсны цахим хуудсандаа мэдэгджээ.

Тэртээ 1930-аад оны дундуур Сатурныг АНУ-д дөнгөж мэндэлснийх нь дараахан Берлины зоопарк руу явуулж байсан аж. Матар 1943 оны арваннэгдүгээр сарын 23-нд болсон бөмбөгдөлтийн дараа алга болж гурван жилийг хаана өнгөрөөсөн нь тодорхойгүй байдаг юм. 

1946 онд түүнийг олсон англи цэргүүд зөвлөлтийн талд хүлээлгэн өгсөн гэнэ. Ийн Москвагийн амьтны хүрээлэнд ирсэн түүхтэй аж. Удалгүй Берлины амьтны хүрээлэнд бус Адольф Гитлер өөрийн гараар тэжээдэг байсан амьтдын цуглуулгад байсан гэх домог, цуу яриа гарчээ.

Түүний дурсгалыг хүндэтгэж, чихмэл хийж Чарльз Дарвины музейд байршуулахаар болжээ.
 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй