“Юрген, Тимог хурдан аваач ээ...”
2020-05-25 11:16

Коронавирусийн халдварт цар тахлын улмаас хоёр сар гаруй хугацаанд завсарлаад байсан Бундеслигийн тоглолтууд арваад хоногийн өмнөөс эргэн сэргэсэн билээ.

Өчигдөр болсон 27-р тойргийн тоглолтод “РБ Лайпциг” багт 0:5 харьцаагаар “гутамшигтай” хожигдсоныхоо дараа “Майнц” багийн албан ёсны твиттер хаяг ёгт жиргээ оруулсан байна.

“Майнц”-ийн хаалганд “РБ Лайпциг”-ийн довтлогч Тимо Вернер хет-трик буюу гурван гоолыг оруулжээ. Тоглолт дууссаны дараа “Майнц” Премьер лигийн “Ливерпүүл” багийн ахлах дасгалжуулагч, нутаг нэгт Юрген Клоппт хандсан байна.

“Клоппо, чи түүнийг багтаа авах болоогүй юу?” хэмээн жиргэж “маазарчээ”.

“Ливерпүүл” Тимог сонирхож байгаа гэсэн яриа гараад удаж байгаа билээ. 

Сануулахад, Клопп тоглогчийнхоо замналын ихэнх хугацаанд “Майнц”-ын төлөө тоглосон бөгөөд 2001-2008 оны хооронд дасгалжуулж байсан юм.

 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй