А.Амбасэлмаа: Дахин нэг хүн эдгэрч дараагийн шатны хяналт руу шилжлээ
2020-05-25 11:38

Эрүүл мэндийн яамнаас шинэ коронавирус COVID-19-ийн халдварын талаар өнөөдөр ээлжит мэдээллээ хийлээ.

ХӨСҮТ-ийн Тандалт судалгааны албаны дарга А.Амбасэлмаа "Тавдугаар сарын 24-нд буюу өчигдөр ХӨСҮТ-ийн вирусологийн хоёр лаборатори болон Дархан-Уул аймгийн салбар лабораторид нийтдээ 22 хүний шинжилгээ хийгдсэн. Бүгдэд нь коронавирус илрээгүй.

Энэ сорьцонд Алтанбулагийн боомтоор орж ирсэн ачаа тээврийн жолооч нар болон тандалтын сорьцууд орсон байна.

Өнөөдөр ХӨСҮТ-ээс нэг хүн эдгэрч дараагийн шатны хяналт руу шилжлээ.

Нийт батлагдсан тохиолдол 141. Эдгэрсэн 33, эмчлэгдэж байгаа 108 хүн байна. Эдгэрч гарсан хүмүүсийн 19 нь одоогоор сувилалд байна. Гэртээ гарсан дөрвөн хүн, 10 хүний ажиглалт тусгаарлалтын хугацаа дууссан байна. Үүнээс дөрөв нь гадаадын иргэн. Өнөөдрийн байдлаар ХӨСҮТ-д 125 хүн байна, 108 хүн нь эмчлэгдэж байгаа, үлдсэн 17 нь ажиглалт, тандалтад байгаа хүмүүс" гэлээ. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй