Ц.Сандуй, А.Ганбаатар нарын хэргийг нэмэлт мөрдөн байцаалтад буцаалаа
2020-05-25 13:49

Нийслэлийн прокурорын газраас 2002 оны Эрүүгийн хуулийн ерөнхий ангийн 19 дүгээр зүйлийн 19.2 дахь хэсэг мөн хуулийн тусгай ангийн  82 дугаар зүйлийн 82.1 дэх хэсэг, 821 дүгээр зүйлийн 821.1 дэх хэсэгт /Сонгуулийг будлиантуулж төрийн эрх мэдлийг хууль бусаар авах хуйвалдаан зохион байгуулах/ зааснаар Ц.Сандуй, А.Ганбаатар нарт яллах дүгнэлт үйлдэж ирүүлсэн.

Тэдэнд холбогдох эрүүгийн  хэргийг энэ оны дөрөвдүгээр сарын 29-нд Баянгол дүүргийн эрүүгийн хэргийн анхан шатны шүүх хүлээн авсан юм. Өнөөдөр шүүхийн урьдчилсан хэлэлцүүлгээр хянан хэлэлцээд дараах шийдьвэрийг гаргав. 

Шүүгдэгч Ц.Сандуй, А.Ганбаатар нарт холбогдох хэргийг буруу тусгаарласан, шүүх хуралдаанаар нөхөн гүйцэтгэх боломжгүй нөхцөл үүссэн гэх үндэслэлээр нэмэлт мөрдөн шалгах ажиллагаа хийлгэхээр прокурорт буцаалаа гэж Баянгол, Хан-Уул, Сонгинохайрхан дүүргийн эрүүгийн хэргийн анхан шатны шүүхийн тамгын газраас мэдээлэв.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй