Том Хэнкс төгсөгчдийг "хошгоруулав"
2020-05-25 14:41

Гуравдугаар сард Covid-19-өөр өвдөөд эдгэрсэн Холливүүдийн нэрт жүжигчин Том Хэнкс энэ жил сургуулиа дүүргэж буюу төгсөгчдийн сэтгэл санааг өргөхөөр шийдсэн байна. Тэрбээр Альберт Эйнштейн болон өөрийнхөө гарын үсэг бүхий “тусгай” дипломны гэрэл зургийг цахим хуудсандаа оруулжээ.

“2020 оны бүх төгсөгчдөд, та бүхэн олноос онцгой шүү. Үүнийг цаасан дээр хэвлээд аваарай” гэж инстаграм хуудсандаа бичсэн байна.

“Цар тахлын үеэр та бүхний байгуулсан гавьяа зүтгэл, COVID-19 халдвараас үүдэн бий болсон хямралын хүнд хэцүү цаг үед сургуулиа амжилттай төгссөнийг тохиолдуулан 2020 оны төгсөгчдөд энэхүү гэрчилгээг гардуулав” гэж уг “тусгай” дипломд бичжээ.

Мөн тэрбээр Оклендийн ахлах сургуулийг 1974 онд төгсөж байх үеийнхээ “хонх”-ны баярын гэрэл зургийг нийтэлсэн байна.

Сануулахад, цар тахлын гамшгийн улмаас энэ жил их, дээд болон арван жилийн сургуулийг дүүргэж буй бөмбөрцгийн бүх хүүхэд, залуус төгсөлтийн баяраа хийж чадалгүй цахимаар шалгалтаа өгөн сургуулиа төгсгөж байгаа билээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй