Захиа 80 жилийн дараа “эзэндээ” очжээ
2020-05-26 10:12

1940 онд англи цэрэг эрийн дайны талбараас илгээсэн захидал 80 жилийн дараа л дүүд нь хүрчээ.

30 настай байлдагч Харри Коул (Harry Cole) 1940 оны тавдугаар сарын 26-нд ээж Рөүздээ захиа илгээсэн байна. 

“Миний төлөө санаа бүү зовоорой. Би энэ бүхний давж гарна аа” гэж захиандаа бичсэн Коул гурав хоногийн дараа герман мэргэн буучийн суманд өртөн амиа алджээ.

Германы армийн хүчтэй дайралтын улмаас Дюнкеркээс британийн цэргүүдийг ухарч байх үеэр эл захидал гээгдсэн аж. Захиаг олсон герман цэргийн офицер олон жилийн турш хадгалж байгаад 1968 онд Их Британийн Саффолк гүнлэгийн зөвлөл рүү илгээжээ. Тус зөвлөлд ажилладаг хүмүүс эзнийг нь хайж олон хүргэхээс төвөгшөөсөн үү, архивтаа хадгалсан аж.

Саяхан архивын ажилтан Хайди Хьюгс (Heidi Hughes) уг захидлыг өөрийнх нь төрсөн тосгонд байдаг нэгэн байшингийн хаягаар илгээсэн болохыг олж мэджээ. Мөн тосгонд нь захиаг илгээгчтэй нэр нэгтэй өндөр настан байдгийг ч санасан байна. 

“Харригаас илгээсэн захидлыг хүлээж аваад би шооконд орсон. Түүний бичсэнийг уншаад миний сэтгэл ихэд хөдөлсөн шүү” хэмээн цэрэг эрийн төрсөн дүү 87 настай Клемми Коул (Clemmie Cole) нулимс дуслуулан сэтгүүлчдэд ярьжээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй