Кендрик Перкинс: Майкл Жордан худалч
2020-05-27 11:11

2008 онд лигийн аварга болж байсан “Бостон Селтикс”-ийн төвийн тоглогч асан өдгөө шинжээч ажилтай Кендрик Перкинс алдарт Майкл Жорданыг худалчаар нь дуудаж томорчээ.

“Эргэн тойрныхоо бүх хүмүүсийг “хар”-аар будаж, өөрөө энхийн цагаан тагтаа, сүпер баатар болохын төлөө Майкл Жордан “Сүүлчийн бүжиг”-т дандаа худлаа ярьсан. Миний хувьд Леброн Жэймс бүх цаг үеийн хамгийн шилдэг тоглогч” гэж Перкинс ярьсан байна.

Мөрөөдлийн багт Айзейя Томас багтвал тоглохгүй хэмээн Жорданы ярьсан бичлэг задарсны дараа Кендрик Перкинс энэхүү мэдэгдлийг хийжээ. Харин “Сүүлчийн бүжиг” баримтат кинонд Жордан 1992 оны Барселонагийн олимпод оролцох АНУ-ын шигшээ багт Айзейяг аваагүйд өөрийнх нь ямар нэгэн оролцоо нөлөө байгаагүй гэж ярьсан билээ.

Сануулахад, Кендрик Перкинс “Кливлэнд Кавальерс” багт “Хаан” Жэймстэй хамтдаа тоглож байгаад зодгоо тайлсан.

 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.