“Юрийн галавын ертөнц 3”шинэ эхлэлийг тавина
2020-05-27 13:12

Зураг авалт нь хоёрдугаар сард эхэлсэн “Юрийн галавын ертөнц” киноны гуравдахь нь цувралын төгсгөл бус нэн сонирхолтой түүхийн эхлэл байх болно гэж тус киноны продюсер Фрэнк Маршалл мэдэгджээ.

“Бид төгсгөлийн зураг авалтыг хийж байгаа биш юм аа. Харин гурамсан бүтээл нь шинэ эрин үеийн эхлэлийг тавьж байгаа гэж болно. Үлэг гүрвэлүүд эх газарт хөл тавин манай ертөнцийн нэг хэсэг байх болно. Тэд бидэнтэй удаан хугацаанд хамтдаа байх болов уу гэж би бодож байна” хэмээн Маршалл ярьж, цуврал цаашид үргэлжлэх болно гэсэн санааг цухуйлгасан байна.

Нэрт найруулагч Стивен Спилбергийн кино зохиолоор хийгдэж буй “Юрийн галавын ертөнц” цувралын гуравдахь кино дараа жилийн зургаадугаар сарын 11-нд нээлтээ хийх төлөвлөгөөтэй байсан. Хоёрдугаар сард зураг авалт эхэлсэн ч коронавирусийн халдварт цар тахлаас улбаалан түр хойшлогдоод байна. Өмнөх хоёр киног бүтээсэн Колин Треворроу киноны ерөнхий найруулагчаар ажиллаж байгаа юм.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй