Тоть шувуу гэрчийн мэдүүлэг өгнө
2020-05-28 09:49

Аргентиний нийслэл Буэнос-Айрес хотын шүүх алуулсан эзнийхээ сүүлчийн үгсийг тогтоосон тоть шувуунаас мэдүүлэг авахаар болжээ.

46 настай хатагтай Элизабет Толедо (Elizabeth Toledo) байраа гурван эрэгтэйд хөлслүүлдэг байж. 2018 онд бүсгүй бусдад хүчиндүүлэн амиа алдсан байна. Гэмт хэрэгт хохиогчийн байрыг хөлсөлдөг 51-тэй Мигель Сатуриньо Ролон (Miguel Saturino Rolon) болон 62-той Хорхе Рауль Альварез (Johge Raul Alvarez) нарыг сэжиглэж байгаа гэнэ. Гуравдахь этгээд хэрэг гарах үед өөр газарт байсан хөдлөшгүй нотлох баримтаа цагдаагийнханд өгсөн тул түүнийг мөрдөн шалгахаа зогсоосон байна.

Хэргийн газарт цагдаагийн алба хаагчийг ирэхэд “Хэрэггүй ээ, намайг суллаач, гуйя” гэх эмэгтэй хүний орилох чимээ гарсан гэнэ. Байр руу ортол газарт гудсан дээр талийгаачийн цогцос, тоть бүхий шувууны тор л байсан аж.

Тоть шувуу хохирогчийн сүүлчийн үгсийг цээжлээд давтаж байгаа хэмээн цагдаагийн ажилтнууд үзэж байгаа гэнэ. Эдгээр үгсийг тоть байнга давтаж байгаа гэдгийг хөршүүд нь ч баталжээ. Мөн “Чи яагаад намайг цохив” гэсэн үгсийг ч “үглээ” тоть хааяхан хэлж байгаа аж.
 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй