Д.Нямхүү: Батлагдсан тохиолдол 161 боллоо
2020-05-28 11:38

Эрүүл мэндийн яамнаас шинэ коронавирус COVID-19-ийн халдварын талаар өнөөдөр ээлжит мэдээллээ хийлээ.

ХӨСҮТ-ийн ерөнхий захирал Д.Нямхүү "Тавдугаар сарын 27-нд ХӨСҮТ-ийн вирус судлалын хоёр лаборатори, ЗӨСҮТ-ийн лаборатори болон Дархан-Уул аймгийн салбар лабораторид нийтдээ 517 хүний сорьцонд шинжилгээ хийгдсэн байна. Үүнээс 504-д нь коронавирус илрээгүй.

ХӨСҮТ-д тусгаарлагдсан 40 хүн, ажиглах байранд тусгаарлагдсан 352 хүний шинжилгээнд коронавирус илрээгүй.

Мөн тандалтын зорилгоор Сүхбаатар, Чингэлтэй дүүргийн нэгдсэн эмнэлгээс цуглуулсан 19 сорьцонд шинжилгээ хийхэд коронавирус илрээгүй байна.

Ажиглах байранд тусгаарлагдсан долоон хүний давтан шинжилгээ, Дархан-Уул аймгийн вирусологийн салбар лабораторид Алтанбулагийн боомтоор орж ирсэн 30 ачаа тээврийн жолооч, аймгийн ажиглах байранд тусгаарлагдсан 69 хүний давтан шинжилгээнд коронавирус илрээгүй.

Харин тавдугаар сарын 27-нд 13 хүний шинжилгээнд коронавирус илэрлээ. Тавдугаар сарын 26-нд Москва-Улаанбаатарын чиглэлийн тусгай үүргийн нислэгээр ирсэн 170 зорчигчийн давтан шинжилгээнд нэг оюутнаас илэрлээ.

Тавдугаар сарын 27-нд Алтанбулагийн боомтоор 340 хүн орж ирсэн. Эдгээр хүмүүсийн 12-оос нь коронавирус илэрсэн.

Нийт батлагдсан тохиолдол 161 боллоо. Эдгэрч гарсан 43. Эмчлэгдэж байгаа 118 хүн байна. Биеийн байдал хөнгөн 107, хүндэвтэр 11 хүн байна. ХӨСҮТ-д өнөөдрийн байдлаар 165 хүн байна" гэлээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй