Жэйсон Борн эргэж ирнэ
2020-05-28 12:29

Тусгай ажилтан Жэйсон Борны тухай цуврал киноны продюсер Фрэнк Маршалл киноны үргэлжлэлийг хийх санаатай байгаа гэдгээ мэдэгдсэн байна.

Киноны үргэлжлэл болох шинэ санаа, түүх болон өмнөх кинонууд шиг сонирхолтой дэлгэцийн бүтээл болгож чадах найруулагчийг идэвхтэй хайж байгаа тухайгаа Маршалл ярьжээ.

“Борны тухай цуврал надад маш их таалагддаг, тийм ч учраас өөрийгөө сорихыг хүсч байгаа кино найруулагчдад том боломж гарч байна” хэмээн тэрбээр нэмж өгүүлэв.

Гэхдээ Мэтт Дэймон гол дүрээ үргэлжлүүлэн бүтээх үү, эс бөгөөс өөр жүжигчин Жэйсон Борн болох уу гэсэн асуултаас продюсер зайлсхийсэн байна.

120 сая ам.долларын өртгөөр босч байсан энэхүү цувралын хамгийн сүүлчийн кино 2016 оны есдүгээр сарын нэгэнд нээлтээ хийж байсан бөгөөд 415 сая ам.долларын орлого олж байсан юм.

 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй