Д.Нямхүү: Алтанбулагийн боомтоор орж ирсэн 18 хүнээс коронавирус илэрлээ
2020-05-29 11:36

Эрүүл мэндийн яамнаас шинэ коронавирус COVID-19-ийн халдварын талаар өнөөдөр ээлжит мэдээллээ хийлээ.

ХӨСҮТ-ийн ерөнхий захирал Д.Нямхүү "Тавдугаар сарын 28-нд ХӨСҮТ-ийн вирус судлалын хоёр лаборатори, ЗӨСҮТ-ийн лаборатори болон Дархан-Уул аймгийн салбар лабораториудад нийтдээ 369 хүний шинжилгээ хийсэн байна. Үүнээс 351 хүний шинжилгээнд коронавирус илрээгүй.

Үүнийг задалж хэлбэл, ХӨСҮТ-д тусгаарлагдсан 21 хүн, ажиглах байранд тусгаарлагдсан 220 хүн, мөн тандалтын зорилгоор УНТЭ, Сонгинохайрхан, Чингэлтэй дүүргийн нэгдсэн эмнэлгээс цуглуулсан 10 сорьцонд шинжилгээ хийхэд коронавирус илрээгүй байна.

Дархан-Уул аймгийн вирусологийн салбар лабораторид Сэлэнгэ аймгийн Алтанбулагийн боомтоор орж ирсэн 32 ачаа тээврийн жолооч, аймгийн ажиглах байранд тусгаарлагдсан гурван хүн, мөн 65 хүний давтан шинжилгээг хийсэн байна.

Өчигдөр хийгдсэн 369 шинжилгээнээс 18-д нь коронавирус илэрлээ.

Тавдугаар сарын 28-нд Алтанбулагийн боомтоор галт тэргээр орж ирсэн 230 хүнээс энэ 18 тохиолдол илэрсэн. 19-52 насны хүмүүс байгаа бөгөөд 11 нь оюутан байна.

Ингээд Монгол Улсад батлагдсан 179 тохиолдол бүртгэгдлээ. Үүнээс эмчлэгдэн гарсан 43 хүн байгаа. Одоо эмчлэгдэж байгаа 136 хүн байна. Биеийн байдал хөнгөн 121, хүндэвтэр 15 хүн байна. 8-16 насны таван хүүхэд байгаа, хоёр жирэмсэн эмэгтэй, нэг хорт хавдартай хүн ХӨСҮТ-д эмчлэгдэж байна" гэлээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй