Хурим нь хойшлосноос болж Жэй Ло “хилэгнэв”
2020-05-29 12:56

Холливүүдийн од, нэрт дуучин, жүжигчин Женнифер Лопес болон бейсболын алдарт тамирчин асан Алекс Родригес нар коронавирусийн халдварт цар тахлын улмаас хуримын ёслолоо хойшлуулахаас өөр аргагүйд хүрсэн тухайгаа сар гаруйн өмнө мэдэгдсэн билээ.

Сайхан өгзөгтэй бүсгүй саяхан Today өглөөний шоунд оролцох үеэр халдварт өвчин, хөл хорионы улмаас хамаг төлөвлөгөөгөө өөрчилж, цөөнгүй арга хэмжээг цуцлах болсондоо сэтгэлээр ихэд унасан гэдгээ ярьсан байна.

“Бид одоо юуг ч төлөвлөхгүй байгаа. Юу болж дуусахыг харах, хүлээх л үлдэж байна. Нэг талаар, Супербоул, “Бүжгийн ертөнц”-ийг дуусгаад бид амарч, бие биедээ цаг гаргахыг хүсч байснаа биелүүлж, энэ бүхнээ гүйцэлдүүлэх боломж гарлаа. Харин нөгөө талаар, энэ зун хийхээр төлөвлөсөн бүх ажлаа хойшлуулахаас өөр аргагүй байдалд ороод байна” хэмээн өгүүлжээ.

Гэхдээ гэрлэх ёслолоо хойшлуулсан нь л хамгийн их харууслыг төрүүлсэн гэнэ.

“Үүнээс болж миний зүрх шархалсан, гэхдээ юу гээч? Бурханд өөрийн төлөвлөгөө бий. Тийм учраас бид бүх зүйлс хэвийн горимдоо орохыг харж, хүлээх хэрэгтэй. Бүх зүйл сайн сайхан болно гэдэгт би итгэлтэй байна” гэж Жэй Ло нэмж хэлжээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй