Хүнсний бүтээгдэхүүний түгээлтэд шалгалт хийж олон зөрчил илрүүлжээ
2020-05-30 10:09

Мэргэжлийн хяналтын ерөнхий газрын  даргын “Нийтийг хамарсан баяр ёслол, цаг үеийн шаардлагаар зохион байгуулж буй арга хэмжээнд урьдчилан сэргийлэх хяналт шалгалт хийх тухай” удирдамжийн хүрээнд НМХГ 57 аж ахуй нэгж иргэнд хяналт шалгалт хийжээ.

Шалгалтаар “Маргаз трейд” ХХК, “Эрхэс есүхэй” ХХК, “Хоо толгой” ХХК, “Дэвжих долоон бурхан” ХХК, “Шаргай бүүдэй” ХХК, “Виктор сан” ХХК, “Болор тайж” ХХК, “Хонины орд” ХХК-ий хүнсний дэлгүүрт хүнсний бараа бүтээгдэхүүнээ түгээлтээр хүргэн үйлчилж буй аж ахуй нэгж, иргэдийн тээвэрлэлтийн байдалд хяналт хийхэд зориулалтын тээврийн хэрэгсэлгүй, ахуйн барааг \угаалгын нунтаг, саван\ хүнсний бүтээгдэхүүнтэй хамт тээвэрлэх, тээврийн хэрэгсэл нь подон тавиургүй, тээврийн хэрэгслээ угааж цэвэрлэж халдваргүйтгэл хийлгээгүй, жолооч, түгээгч эрүүл мэндийн урьдчилан сэргийлэх шинжилгээнд хамрагдаагүй зэрэг зөрчлүүд илэрчээ.

Илэрсэн зөрчлүүдэд Зөрчлийн тухай хуулийн 11.2 дугаар зүйлийн 1.2 дэх хэсэг зааснаар торгуулийн арга хэмжээ авч ажилласан байна.

Эх сурвалж: НМХГ

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй