Хүмүүст буян үйлддэг хатагтай “илчлэгджээ”
2020-05-30 11:17

Хүүхдийн сүүн тэжээл худалдаж авсан ногоон тивийн Брисбен хотын оршин суугч Тилльз Сиофеле дотроос нь гэнэтийн бэлгийг олоод ихэд баярлажээ.

Лаазны тагыг онгойлготол таван австрали доллар, өдрийг сайхан өнгөрүүлэхийг хүссэн бичээсийн хамт байж байх нь тэр. Гэнэтийн бэлгэнд сэтгэл нь ихэд хөдөлсөн ээж хэн ийм сэтгэл хөдөлгөм зүйл хийснийг олж мэдэхийг оролдсон байна.

Тэрбээр нийгмийн сүлжээнд энэ талаар бичтэл хотын цөөнгүй иргэн ийм тааламжтай гэнэтийн бэлгийг дэлгүүрүүдээс авсан төрөл бүрийн бараа бүтээгдэхүүн дотроос олж байсан тухайгаа “тайлагнажээ”.

Сюзанна Люси

Түүний “мөрдөн шалгах ажиллагаа” амжилтад хүрч Сюзанна Люси гэгч сайхан сэтгэлт хатагтай хагас жилийн турш ийм сайн санааны үйлийг хийж байгааг олж мэджээ. Сайхан сэтгэлтэй бүсгүй алдар нэр, олны танил болохыг хүсч ийм зүйлийг хийдэггүй гэдгээ тайлбарласан гэнэ. Тэрбээр боломжтой үедээ ямар нэгэн бараа бүтээгдэхүүн дотор цөөн хэдэн доллар шургуулдаг аж. Хэн нэгний сэтгэл санааг өргөсөндөө тааламжтай байдаг тул ийм зүйлийг хийдэг гэдгээ даруухан өгүүлсэн гэнэ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй