Д.Нямхүү: Өчигдөр хийсэн 47 шинжилгээнд коронавирус илрээгүй
2020-05-30 11:35

Эрүүл мэндийн яамнаас шинэ коронавирус COVID-19-ийн халдварын талаар өнөөдөр ээлжит мэдээллээ хийлээ.

ХӨСҮТ-ийн ерөнхий захирал Д.Нямхүү "Тавдугаар сарын 29-ны өдөр ХӨСҮТ-ийн вирус судлалын хоёр лаборатори болон Дархан-Уул аймгийн вирусологийн салбар лабораторид нийтдээ 47 хүний шинжилгээ хийсэн байна. Хийгдсэн бүх шинжилгээнд коронавирус илрээгүй.

Сайн мэдээ байна. Өнөөдөр нэг хүн эдгэрч ХӨСҮТ-өөс гарч дараагийн шатны хяналт руу шилжлээ. Энэ оюутан 48 хоног эмчлэгдэн гарч байгаа юм.

Сэлэнгэ аймгийн Алтанбулагийн боомтоор орж ирсэн 24 ачаа тээврийн жолоочийн шинжилгээнд коронавирус илрээгүй.

Ингээд өнөөдрийн байдлаар батлагдсан тохиолдол 179 байна. Үүнээс эдгэрч гарсан 44 боллоо. Одоо 135 хүн эмчилгээнд байна. Биеийн байдал хөнгөн 115, хүндэвтэр 10 хүн байна. ХӨСҮТ-д 165 хүн байна, үүнээс 135 нь эмчилгээнд бусад нь хяналтад байгаа" гэлээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй