Кайли Женнер “Форбс”-д “дайн зарлав”
2020-05-30 13:27

Гоо сайхны брэндийг үүсгэн байгуулагч, Кардашьяны цуутай гэр бүлийн гишүүн Кайли Женнер өөрийг нь дэлхийн хамгийн залуу тэрбумтан эмэгтэйгээр шалгаруулсанаа хүчингүйд тооцож, худалчаар нь дуудсан сэтгүүлчдэд хариуг нь барьжээ.

Хөрөнгө орлогоо худал мэдүүлсэн хэмээн шүүмжилсэн алдарт Форбс сэтгүүлийг тэрбээр твиттер хуудсандаа хэдэн жиргээгээр “бут ниргэсэн” байна.

Тэрбээр бохир аргаар өөртөө ямар нэгэн цол хэргэм олгох хүсэлтийг хэн нэгэнд тавьж байгаагүй хэмээн томорчээ.

“Яг юу болоод байгаа юм бэ? Би их л нэр хүндтэй сайт гэж бодож байлаа” хэмээн 21 настай Женнер хилэгнэсэн байна.

Мөн “Форбс”-ийн сэтгүүлч нийтлэлээ бодит баримтад тулгуурлаж бичээгүй зүгээр л таамаг дэвшүүлэн бичсэн болохыг тэрбээр нэмж тодруулсан байна.

“Татварын баримтыг хуурамчаар үйлдсэн байх гэж бичсэн нь та бүхний баримт нотолгоо юу? Та нар зүгээр л сууж байснаа гэнэт л татварын баримтыг хуурамч гээд нотолчихож байгаа юм уу?” гэж Кайли хэгжүүрхсэн байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй