“Челси” Тимо Вернерийг авна
2020-06-02 10:38

“Челси” энэ зуны наймаа, солилцооны үеэр довтолгооны шугамаа хүчирхэгжүүлэхэд голлон анхаарах гэнэ.

Францын “Лион”-ы довтлогч Мусса Дембелег авах нь лондончуудын нэн тэргүүний зорилго аж. Өвөл Муссаг авахыг санаархсан ч францчуудын нэхсэн 80 саяыг хэтэрхий өндөр үнэ гэж үзсэн учраас наймаа бүтэлгүйтсэн. Харин өнөөгийн коронавирусийн халдварт цар тахлын улмаас үссэн эдийн засгийн хямралын үед “Лион”-ы удирдлагууд үнээ бууруулах байх гэж лондончууд найдаж байгаа ч одоогоор ямар нэгэн бодит яриа хэлэлцээр хийгдээгүй байна.

Тийм учраас “Цэнхэрүүд”-ийн удирдлагууд германы “РБ Лайпциг” багийн довтлогч Тимо Вернерийг авах төлөвлөгөөг боловсруулж эхэлсэн сурагтай. Тимогийн нөхөн төлбөр харьцангуй боломжийн буюу 49 сая фунт стерлинг гэнэ. Гэхдээ герман тоглогчийг авахаар Английн өөр хоёр гранд “Манчестер Юнайтед” болон “Ливерпүүл” багууд санаархаж байгаа юм. Мөн аль аль баг нь албан ёсны хүсэлтээ германы баг руу одоохондоо илгээгүй байгаа учир “Челси” энэхүү өрсөлдөөнд орж үзээд алдахаар шийдсэн байна.

“Ливерпүүл”-д Роберто Фирминотой өрсөлдөн талбайд гарах эсэх нь тодорхойгүй нөхцөл байдал хүлээж байгааг нь Тимод сануулан харин “Челси”-д ирснээр талбай дээр илүү олон цагийг өнгөрүүлэх амлалтыг өгөн урвуулах гэнэ.

Харин “МЮ”-гээс Премьер лигт дээгүүр байрт жагсаж буй “Цэнхэрүүд” Аваргуудын лигт орох нь бараг тодорхой тул энэ нь “Улаан чөтгөрүүд”-ийг өрсөлдөөнөөс гарахад нөлөөлнө хэмээн найдаж байгаа аж.

 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй