Хүчтэй салхины улмаас хууларсан дээвэр айлын гэр дээр унажээ
2020-06-03 10:33

Зургаадугаар сарын 02-ны 15:00-16:00 цагийн орчим Дорнод аймгийн Хэрлэн (Сүмбэр) сумын нутгаар хүчтэй шороон шуурга /14 м/с-21 м/с/ шуурсны улмаас тус сумын 1 дүгээр баг, Бунханы 24 айлын орон сууцны дээвэр хууларсан тухай дуудлагыг 15:20 цагт хүлээн авсан.  

Аймгийн Онцгой байдлын газрын алба хаагчид 3 км замыг туулан 15:25 цагт очиход, орон сууцны дээвэр /төмөр шувуун орой 360 м2/ хууларч, тус орон сууцаас 30 метрийн зайд байдаг иргэн Б-ын 4 ханатай гэр дээр унасан байжээ.

Тухайн үед гэрт байсан Э /32 настай, эмэгтэй/, Т /13 настай, эрэгтэй/, М /9 настай, эмэгтэй/, Т/1 сартай, эрэгтэй/ нар бэртэж гэмтээгүй байна.   

Зургаадугаар сарын 02-ны 21:30 цагийн орчим Увс аймгийн Бөхмөрөн сумын Хар алтат багийн “Шанага” гэдэг газар /аймгийн төвөөс зүүн зүгт 130 км-т, сумын төвөөс зүүн зүгт 70 км-т/ хүчтэй шороон шуурга шуурсны улмаас малчин С-ын 5 ханатай гэр салхинд нуржээ.

Мөн өдрийн 22:50 цагийн орчим тус аймгийн Наранбулаг сумын Хужирт багийн “Бохирго” гэдэг газар /аймгийн төвөөс зүүн зүгт 90 км-т, сумын төвөөс хойд зүгт 60 км-т/ шороон шуурга шуурсны улмаас малчин Х-ийн 6 ханатай гэр салхинд нурсан байна.

Мэдээллийн дагуу дээрх сумуудын Засаг даргын Тамгын газрын дарга нараар ахлуулсан алба хаагчид газар дээр нь очиж, нөхцөл байдалтай танилцаж ажиллажээ.

Эх сурвалж: ОБЕГ

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй