“Барса” Неймарыг “гол гаргав”
2020-06-04 10:59

Францын “ПСЖ” багаас довтлогч Неймарыг энэ зуны наймаа, солилцооны үеэр эргүүлэн авах санаархлаа “Барселона” орхиж байгаа гэнэ.

Парис хотын баг бразил залууг 175 саяар зарахад бэлэн гэдгээ мэдэгдсэн ч Каталоныг баг ийм их мөнгө зарцуулах бодолгүй байгаа бөгөөд “ПСЖ” зөвхөн мөнгөөр, наймаандаа өөр тоглогчдыг оролцуулахгүй хэмээн “гэдийсэн” тул наймаа ийн бүтэлгүйтсэн байна.

Неймарыг авах санаархлаа орхисон “Барселона”-гийн удирдлагууд Италийн “Интер”-ээс довтлогч Лаутаро Мартинесийг нь урвуулах “Б” төлөвлөгөөгөө хэрэгжүүлэхээр ажиллаж эхэлсэн тухай зарим нэг эх сурвалж мэдээлжээ. Түүний нөхөн төлбөр бразил залуугийнхаас хавьгүй бага буюу “ердөө” л 111 сая евро юм.

Сануулахад, 2017 онд Неймар “Барса”-гаас “ПСЖ”-д 222 сая еврогоор ирж байсан билээ.

 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй