Кендалл Женнер ээлжит сагсан бөмбөгчөө уургалжээ
2020-06-04 12:41

Кардашьяны шуугиант гэр бүлийн гишүүн, 24 настай загвар өмсөгч Кендалл Женнер ээлжит сагсан бөмбөгч залуутайгаа амрагийн харьцаатай болсон гэх мэдээлэл бараг батлагдаж буй бололтой.

“Филадельфи Севенти Сиксерс” багийн холбогч, 23 настай Бен Симмонстой амрагласан түүний дурлалын түүх дуусч, үе тэнгийн, мөн л сагсан бөмбөгч, “Финикс Санс” багийн лидер тоглогч Девин Бүүкертэй үерхэж эхэлсэн тухай загвар өмсөгч бүсгүйн тойрон хүрээлэгчдээс хэн нэгэн нь сэтгүүлчдэд ам алдсан байна.

“Тэд уулзаж учирч байгаа ч одоохондоо гэр бүл зохиох хэмжээнд хүрэхээр гүнзгий харьцаатай болсон гэж бодохгүй байна. Түүний дэргэд өчнөөн олон эрчүүд эргэлддэг шүү” гэж мэдээлэгч өгүүлсэн гэнэ.

Залуусыг “жиг ургуулсан” гэх таамаг анх тэднийг Аризона мужид хамтдаа явж байхад нь гарсан. Тавдугаар сард цуу яриа дахин дэгдсэн. Тухайн үед Кендалл тамирчин залууг нисэх буудлаас тосон авч байгаа нь папарацци нарын дуранд өртсөнөөр энэ сэдэв олны анхаарлын төвд ахин орж эхэлсэн юм.

Тодруулахад, тэд хоёр жилийн өмнөөс бие биенээ таних болсон билээ. Девин загвар өмсөгч бүсгүйн дүү Кайли Женнерийн найз Жордин Вүүдстэй үерхэж байхад хааяа нэг үдэшлэг цэнгүүний үеэр тааралдаж байсан аж.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.