Хүчтэй хуй салхины улмаас айлын гэр нуржээ
2020-06-05 10:40

Завхан аймгийн нутаг дэвсгэрт үүссэн хүчтэй хуй салхины уршгаар айлын гэрүүд нурсан байна.

Тодруулбал, тус аймгийн Их-Уул сумын Үржил багийн “Цагаан сайрын-Ам” гэдэг газарт зургаадугаар сарын 04-ний үдшийн 19:27 цагийн орчим хүчтэй хуй салхи үүссэний улмаас малчин Б-ын 6 ханатай хоёр гэр, малчин Д-ийн 6 ханатай нэг гэр нурж унасан тухай мэдээллийг мөн өдрийн 20:09 цагт хүлээн авчээ.

Сумын Засаг даргын орлогч Г.Бавуусүрэнгээр ахлуулсан ажлын хэсэг тухайн газарт очиж, нөхцөл байдалтай танилцаж ажилласан байна.

Эх сурвалж: ОБЕГ

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй