Клэй Томпсон илүү, илүү...
2020-06-05 11:13

Сагсан бөмбөгийн спортын нэрт нэвтрүүлэгч Скип Бэйлесс бүх цаг үеийн шилдэг гурван шидэгчийг нэрлэсэн байна.

Тэрбээр, нэгд “Алтан мужийн дайчин” Стефен Карриг, хоёрт түүний багийн анд Клэй Томпсоныг, гуравт Рэй Алленыг оруулжээ.

“Нэгдүгээр байрыг би Стеф Каррид өгнө. Тэр энэ спортод хувьсгал хийсэн шүү дээ. 

Харин Томпсон, Аллен хоёрын хооронд алд дэлэм зай байгаа гэж би үзэж байна. Клэй бол агуу кэтч-энд-шутер, түүнд дөхөж очих тоглогч байхгүй. 

Тэр лигийн улирлын үеэр нэг тоглолтод хамгийн олон холын шидэлтийг амжилттай гүйцэтгэсэн буюу 2018 оны аравдугаар сарын 29-нд гурван онооны 14 шидэлтээ өрсөлдөгчийнхөө цагаригт унагаж байсан.

Плей-оффийн нэг тоглолтод хамгийн олон холын шидэлт буюу 11-ийг оруулсан амжилтын эзэн мөн л Клэй Томпсон. 

Нэг үед хамгийн олон оноог авсан тоглогчийг хэн гэж бодож байна. 37 оноог мөн л  Клэй Томпсон авч байсан” гэж Бэйлесс өгүүлжээ.

 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй