Коронавирусаас хамгаалах ухаалаг майкийг зохион бүтээжээ
2020-06-06 10:45

Эмч, сувилагч нар Covid-19-тэй өвчтөнүүдийнхээ биеийн байдлыг зайнаас хянаж болох өмсгөлийг япон эрдэмтэд зохион бүтээсэн байна. 

Уг “ухаалаг майк”-ийг Mitsufuji компани бүтээжээ. Шинэ технологийн тусламжтайгаар зүрхний цохилт, амьсгалын хэмнэл болон бусад амин үзүүлэлтүүдийг байнга хэмжих бөгөөд мэдээллийг өмсгөлд тогтоосон бичил дамжуулагчийн тусламжтайгаар ухаалаг утас болон бусад төхөөрөмж рүү илгээдэг байна. 

Тавдугаар сард Киото мужийн эрх баригчид тус өмсгөлөөс 50 ширхгийг орон нутгийн эмнэлэгт хүлээлгэн өгчээ. 

“Энэ өмсгөлийн тусламжтайгаар эмнэлгийн ажилтнууд өвчтөнүүддээ ойртолгүй зайнаас биеийн байдалд нь ямар нэгэн өөрчлөлт гарч байгаа эсэхийг мэдэх, байнга хянах боломжтой болж байгаа юм” хэмээн захирагч Канемаса Сато мэдэгдсэн байна.

захирагч Канемаса Сато


 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй