Игги Азалия ээж болжээ
2020-06-11 14:00

30 настай хип-хоп дуучин Игги Азалия хүүтэй болсон тухайгаа инстаграм хуудсандаа зарлажээ.

Түүний энэхүү мэдээг уншсан шүтэн бишрэгчид нь гүн шооконд орсон гэнэ. Учир нь тэр давхар биетэй болсон гэдгээ сайтар нууж чадсан учраас хүмүүсийн хувьд жинхэнэ гэнэтийн мэдээ байсан аж.

Уг нь өнгөрсөн оны арванхоёрдугаар сард дуучин бүсгүйг жирэмсэн болсон гэх цуу яриа гарсан ч тэгсхийгээд намжсан юм.

“Би хүүтэй болсон. Үүнийгээ мэдэгдэх тохиромжтой цаг үеийг би хүлээж байлаа... Би түүний амьдралыг бусдын нүднээс далд байлгахыг хүсч байгаа ч энэ хорвоод мэндэлснийг нь нууж түвдсэнгүй” хэмээн Игги Азалия цахим хуудсандаа бичжээ.

Гэхдээ тэр хүүгийнхээ эцгийн тухай, нуган үрдээ ямар нэр алдар хайрласнаа олон түмэнтэй хуваалцахыг хүсээгүй байна. 

Тодруулахад, Игги 2018 оноос рэпер Playboi Carti-тай нэр холбогдох болсон. Өнгөрсөн оны долоодугаар сард дуучин бүсгүйн ядам хуруунд алмаас эрдэнийн бөгж гялалзах болсны дараа залуусыг сүй тавьсан гэсэн таамгийг сэтгүүлчид гаргасан билээ.

 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй