Д.Нямхүү: Өчигдөр 326 сорьцонд шинжилгээ хийхэд коронавирус илрээгүй
2020-06-13 11:46

Эрүүл мэндийн яамнаас шинэ коронавирус COVID-19-ийн халдварын талаар өнөөдөр ээлжит мэдээллээ хийлээ.

ХӨСҮТ-ийн ерөнхий захирал Д.Нямхүү "Зургаадугаар сарын 12-нд ХӨСҮТ-ийн вирус судлалын хоёр лаборатори, ЗӨСҮТ-ийн лаборатори болон Дархан-Уул аймгийн салбар лабораториудад нийт 326 хүний сорьцонд шинжилгээ хийхэд бүгдэд нь коронавирус илрээгүй.

Үүнийг задалж хэлбэл, тандалтын зорилгоор Баянзүрх дүүргийн нэгдсэн эмнэлгээс цуглуулсан дөрвөн сорьцонд шинжилгээ хийсэн.

ХӨСҮТ-д тусгаарлагдсан таван хүний шинжилгээг хийхэд коронавирус илрээгүй. 

Ажиглах байранд тусгаарлагдсан найман хүн, Өмнөговь аймагт тусгаарлагдан хянагдаж байсан нэг хүний давтан шинжилгээг хийлээ. Мөн коронавирус илрээгүй байна.

Саяхан ирсэн Токио-Улаанбаатарын тусгай үүргийн нислэгээр ирсэн 271 зорчигчийн сорьцыг цуглуулан шинжилгээ хийхэд коронавирус илрээгүй байна.

Сэлэнгэ аймагт тусгаарлагдсан гурван хүн, Алтанбулагийн боомтоор орж ирсэн 34 ачаа тээврийн жолоочийн шинжилгээг хийсэн байна. Мөн коронавирус илрээгүй.

Нийт батлагдсан тохиолдол 197 байна. Үүнээс эдгэрч гарсан 95. Эмчлэгдэж байгаа 102 хүн байгаа. Биеийн байдал хөнгөн 91 хүн, хүндэвтэр 11 хүн байна. Өнөөдрийн байдлаар ХӨСҮТ-д 146 хүн эмчилгээ, хяналт тандалтад байна" гэлээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй