Эмбер Хердийг Блейк Лайвли орлох уу?
2020-06-13 12:35

Уран бүтээлээ spdrmnkyxxiii нэрийн дор туурвидаг нэгэн зураач Холливүүдийн жүжигчин Райан Рейнольдсийн эхнэр Блейк Лайвлиг “Аквамен” киноны усан доорхи ертөнцийн хатан хааны дүрд оруулан зурснаа инстаграм хуудсандаа оруулжээ.

Шуугиант бүсгүй Эмбер Херд экс нөхөр, нэрт жүжигчин Жонни Деппээс салах гэж олны хэл ам дагуулж буйгаасаа болж төслийн үргэлжлэлд тоглохгүй болсон гэх цуу яриа дэгдсэний дараа киноны фэнүүд хатан хаан Мерагийн дүрд тоглож болох өөрсдийн хувилбарыг цахим ертөнцөд идэвхийлэн санал болгох болсон билээ.

Зураачийн төсөөлөл зургийг харвал, нээрээ л Блейк Лайвли хатан хааны дүрд ихэд тохирох нь харагдаж байгаа юм.

Эмбер Херд

Гэхдээ Эмберийг төслөөс хассан тухай мэдээлэлд Warner Bros. болон DC Films кинокомпаниудын зүгээс ямар нэгэн албан ёсны тайлбарыг одоогоор хийгээгүй байгаа болохоор энэ нь зүгээр л цуу яриа байх магадлалтай.

Тодруулахад, “Аквамен”-ы үргэлжлэл 2022 оны арванхоёрдугаар сард дэлгэцэнд гарах агаад ерөнхий найруулагчаар нь эхний киног бүтээсэн Жэймс Ван мөн ажиллаж байгаа юм.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй