Бага насны хүүхэд нүхэн жорлонд унаж амиа алджээ
2020-06-15 10:55

Ховд аймгийн Жаргалант суманд балчир хүүхэд нүхэн жорлонд унаж амиа алдсан харамсалтай хэрэг гарчээ.

Тодруулбал, Ховд аймгийн Онцгой байдлын газарт өнгөрсөн бямба гаригт буюу энэ сарын 13-нд  бага насны хүүхэд нүхэн жорлонд унасан тухай дуудлага 23.22 минутад ирсэн байна.

Аймгийн Онцгой байдлын газрын эрэн хайх, аврах бүлгийн алба хаагчид 2 км замыг туулан Ховд аймгийн Жаргалант сумын Тахилт багийн 10 дугаар гудамжинд 23:25 цагт очиход тус тоотод оршин суугч иргэн Н /1 нас 7 сартай, эмэгтэй/ 5 метрийн гүнтэй нүхэн жорлонд унаж осолдсон байсныг 5 минут ажиллан цогцсыг гаргаж Цагдаагийн байгууллагад шилжүүлэн өгчээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй