Д.Нямхүү: Элэгний хорт хавдартай хүн эмчлэгдээд эдгэрч гарлаа
2020-06-15 11:42

Эрүүл мэндийн яамнаас шинэ коронавирус COVID-19-ийн халдварын талаар өнөөдөр ээлжит мэдээллээ хийлээ.

ХӨСҮТ-ийн ерөнхий захирал Д.Нямхүү "Зургаадугаар сарын 14-нд ХӨСҮТ-ийн вирус судлалын хоёр лаборатори болон Дархан-Уул аймгийн салбар лабораторид нийтдээ 258 хүний сорьцонд шинжилгээ хийсэн байна. Бүгдэд нь коронавирус илрээгүй.

Үүнд, тавдугаар сарын 26-нд Москва-Улаанбаатарын онгоцоор ирсэн хүмүүсийн давтан шинжилгээ хийгдсэн. Мөн Алтанбулагийн боомтоор орж ирсэн 27 ачаа тээврийн жолоочийн шинжилгээ хийгдсэн байна.

Өнөөдөр их сайн мэдээтэй. 10 хүн эдгэрч ХӨСҮТ-өөс дараагийн шатны хяналт руу шилжлээ. Найм нь оюутан залуус, мөн 49, 64 насны хоёр хүн байна. 17-55 хоног эмчлэгдээд гарч байна. Оюутнуудын эмчилгээний хоног цөөн байна. 17,19 хоног эмчлэгдсэн байна.

Элэгний хорт хавдартай 64 настай эмэгтэй 45 хоног эмчлэгдээд амжилттай эдгэрлээ. Энэ бол маш сайн мэдээ. Бидний хамгийн их анхаарал тавьж байсан өвчтөн юм.

Мөн 49 настай хүн 55 хоног эмчлэгдээд эдгэрч гарлаа. 

Өнөөдрийн байдлаар ХӨСҮТ-д 132 хүн эмчилгээ, хяналт тандалтад байна" гэлээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй