Жэймс Бонд дараалал “дайрав”
2020-06-15 12:50

Их Британийн тусгай албаны нууц ажилтан Жэймс Бондын тухай цувралын шинэ бүтээл болох “Үхэх цаг биш” киноны нээлт товлосон хугацаанаасаа “урагшилсан” байна.

Кино АНУ-ын кинотеатруудад энэ оны арваннэгдүгээр сарын 20-нээс гарч эхлэхээр болсон гэнэ. 

Уг нь киноны нээлт өнгөрөгч дөрөвдүгээр сард болох байсан ч гайт коронавирусийн халдварт цар тахлаас болж хагас жилээр хойшилж, арваннэгдүгээр сарын 25-нд дэлгэцэнд гарч эхлэхээр болоод байсан юм.

Харин өвчний тархалт багасч, цаг үеийн байдал гайгүй болж, кинотеатруудыг нээхээр болж байгаатай холбогдуулан хугацааг нь ийн тав хоног нааш нь татаж байгаа аж.

“Хуучны андууд эргэн ирлээ. “Үхэх цаг биш” киног арваннэгдүгээр сарын 12-ноос Их Британийн кинотеатруудад, АНУ-д арваннэгдүгээр сарын 20-ноос тухлан сууж үзээрэй” гэж албан ёсны цахим хуудсандаа жиргэсэн байна.

 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй