Согтуу жолооч онхолдож ноцтой осол гаргажээ
2020-06-15 18:56

Согтуугаар тээврийн хэрэгсэл жолоодсоны улмаас зам тээврийн осол гаргах, осолд холбогдох тохиолдол их байна.

Тухайлбал, зургаадугаар сарын 13-нд буюу өнгөрсөн бямба гарагт Тоёота Приүс маркийн автомашины жолооч О нь согтууруулах ундааны зүйл хэрэглэсэн үедээ /1.92% согтолттой/ тээврийн хэрэгсэл жолоодож яваад Баянгол дүүргийн нутаг дэвсгэр Ажилчдын гудамжинд онхолдож, зорчигч Б эмэгтэй /1.13% согтолттой/, зорчигч О эмэгтэй /1.73% согтолттой/ нар гэмтсэн ноцтой зам тээврийн ослыг гаргажээ.

Иймд замын хөдөлгөөнд оролцогч та бүхэн тээврийн хэрэгслийн хурдыг тохируулан хөдөлгөөнд оролцох, архи, согтууруулах ундааны төрлийн зүйл хэрэглэсэн үедээ тээврийн хэрэгсэл жолоодож хөдөлгөөнд оролцохгүй байх, замын хөдөлгөөний дүрмээ чанд баримтлан замын хөдөлгөөнд оролцохыг Тээврийн цагдаагийн албанаас анхааруулж байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй