Эрсдэлт газруудыг тогтоох ажил эхэлжээ
2020-06-16 08:57

Баянзүрх дүүргийн 20 дугаар хороонд байрладаг Минж үржүүлэхээс Баянзүрхийн гүүр, Маршалын гүүр, Зайсан, Био модон гүүр, мөн Тэрэлжийн модон гүүрнээс уруудан Хадан хясаа, Гачуурт тосгоны 20 дугаар хороо хүртэлх гол дагуу завьт эргүүл ажиллаж байна. Иргэд шаардлагатай тохиолдолд 101, 105 дугаарын утсаар дуудлага мэдээлэл өгөх боломжтой ажээ.

Нийслэлийн засаг дарга бөгөөд Улаанбаатар хотын захирагчийн захирамж гарсантай холбогдуулан НОБГ, НЦУГ-тай хамтран 2010 оноос эхлэн жил бүрийн зургаадугаар сарын 10-наас есдүгээр сарын 15 хүртэл завьт эргүүл ажилладаг.

Уг ажлын хүрээнд, Нийслэлийн аврах анги 105 нь хоёр бүлэг болж нэг ээлжиндээ 12 албан хаагчтайгаар Баянзүрх дүүргийн 3 дугаар хэлтсийн 2 цагдаатай хамтран 24 цагийн турш үүрэг гүйцэтгэж байна.

Хур бороо элбэгшихээр Туул голын салаанууд усаар дүүрч, тогтоол ус бүхий эрсдэлт газрууд олширдог байна. Иргэдэд сэрэмжлүүлэг мэдээлэл өгөх зорилгоор тогтоол устай газрын тоог гаргахаар судалгааны ажил явуулж эхэлжээ. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй