Д.Нямхүү: Эдгэрч гарсан хүний тоо 111 боллоо
2020-06-17 11:27

Эрүүл мэндийн яамнаас шинэ коронавирус COVID-19-ийн халдварын талаар өнөөдөр ээлжит мэдээллээ хийлээ.

ХӨСҮТ-ийн ерөнхий захирал Д.Нямхүү "2020 оны зургаадугаар сарын 16-нд ХӨСҮТ-ийн вирус судлалын хоёр лабораторид 316 хүний шинжилгээ хийгдсэн байна. Бүгдэд нь коронавирус илрээгүй.

Үүнийг задалж хэлбэл, ажиглах байранд тусгаарлагдсан 267 хүний давтан шинжилгээнд коронавирус илрээгүй.

Тандалтын зорилгоор Дундговь аймгийн нэгдсэн эмнэлэг болон Баянгол, Хан-Уул дүүргийн нэгдсэн эмнэлгээс цуглуулсан 23 сорьцонд шинжилгээ хийхэд коронавирус илрээгүй.

Алтанбулагийн боомтоор орж ирсэн 22 ачаа тээврийн жолоочийн шинжилгээ хийгдсэн. Мөн  коронавирус илрээгүй.

Сэлэнгэ аймагт тусгаарлагдсан дөрвөн хүний давтан шинжилгээг хийсэн.

Өнөөдөр бас сайн мэдээ байна. Хоёр хүн эдгэрч ХӨСҮТ-өөс дараагийн шатны хяналт руу шилжлээ. Нэг нь Батлан хамгаалахын сургуулийн 19 настай сонсогч 33 хоног эмчлэгдээд гарч байна. Нөгөө нь 15 настай сурагч хүүхэд 31 хоног эмчлэгдээд гарч байна.

Нийт батлагдсан тохиолдол 197. Үүнээс 111 хүн эмчлэгдэж эдгээд байна. Эмчилгээнд 86 хүн байна. Биеийн байдал хөнгөн 78, хүндэвтэр найман хүн байна" гэлээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй