Халаасны бүлэг хулгайчийг саатуулжээ
2020-06-17 11:56

Өвөрхангай аймаг дахь Цагдаагийн газрын Эрүүгийн цагдаагийн тасгийн алба хаагчид хулгайн гэмт хэрэг үйлдсэн бүлэг этгээдийг илрүүлжээ.

Тодруулбал, Говь-Алтай, Баянхонгор, Өвөрхангай аймгийн нутаг дэвсгэрт үйл ажиллагаа явуулдаг томоохон зах, худалдааны төв, эмнэлэг, үйлчилгээний газруудаар үйлчлүүлж байгаа иргэдийн цүнх, халааснаас гар утас, эд зүйлийг хулгайлдаг Б, Ж, Х нарын бүлэг этгээдийг баривчилсан аж.

Дээрх этгээдүүд өмнө нь халаасны болон орон байрны хулгайн хэргээр удаа дараа шалгагдаж, ял шийтгэл эдэлж байжээ.

Тэд таван удаагийн үйлдлээр иргэдэд 5,0 сая төгрөгийн хохирол учруулсан тооцоо одоогийн байдлаар гараад байгаа агаад хулгайлсан эд зүйлээ Улаанбаатар хотод борлуулдаг болох нь тогтоогджээ. Шалгалтын ажиллагаа үргэлжилж байна.

Иймд иргэд та бүхэн бүхэн олон нийтийн газраар явахдаа халаасны хулгайн гэмт хэргээс урьдчилан сэргийлж, сонор сэрэмжтэй байхыг Цагдаагийн байгууллагаас сэрэмжлүүлж байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй