Кристен Стюарт Диана гүнжид хувирна
2020-06-18 14:14

АНУ-ын тэргүүн хатагтай агсан Жаклин Кеннедигийн тухай “Жеки” киног дөрвөн жилийн өмнө найруулсан чили кино найруулагч Пабло Ларраин дараагийнхаа алдартай хүмүүний кино хийхээр болжээ. 

Диана гүнжийн тухай өгүүлэх “Спенсер” киноны гол дүр буюу Лэди Ди-д “цус сорогч”-ийн найз бүсгүй Кристен Стюарт тоглох аж.

Уг кинонд Диана гүнжийн Их Британийн ирээдүйн хааны эхнэр, хатан хааны гэр бүлийн гишүүнээс татгалзахаар болсон 1990-ээд оны эхэн үеийн хэд хоногийн үйл явдлыг өгүүлэх аж. 

“Ханхүү хайртай бүсгүйгээ олоод гэрлэж, хаан, хатан хоёр болон өргөмжлөгддөг тухай өгүүлдэг үлгэр домогт бид дассан. Харин ирээдүйд хатан хаан болохоос татгалзах тохиолдолд үлгэрт гардаг бүх зүйлс орвонгоороо эргэнэ ээ гэсэн үг шүү дээ” хэмээн Ларраин сэтгүүлчдэд ярьжээ.

Дианагийн нууцлаг төрхийг Кристен Стюарт л гаргаж чадах учраас л гол дүрд тоглуулахаар сонгосон гэдгээ тэрбээр нэмж өгүүлэв.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй