Архичин сармагчин хүний аминд хүрчээ
2020-06-19 10:10

Архинд донтсон сармагчин 250 гаруй хүнийг гэмтээж, нэг хүний амийг хөнөөсөн хэрэг явдал Энэтхэг Улсад гарчээ.

Калуа нэрт энэхүү сармагчны эзэн нь хар домын зан үйл хийдэг хүн байсан агаад “хайртай” амьтандаа хатуу дарс татуулдаг байсан аж. Гэвч эзэн нь саяхан өөд болж, уух дуртай гашуун ундаагаар нь дайлах хүнгүй болсны улмаас Калуа гудамжинд гарч, хүн амьтан руу халдах болсон байна.  

Зэрлэг сармагчны дайралтад өртсөн хэдэн зуун хүүхэд, охид, бүсгүйчүүд өдгөө гоо сайхны мэс ажилбар хийлгэхгүй бол болохгүй байдалд ороод байгаа гэнэ. Учир нь сармагчны соёонд өртөн нүүр амаа сийчүүлж зэрэмдэг болсон охид бүсгүйчүүд, хүүхдүүдийн тоо хэдийнэ 250 гаруйд хүрээд байгаа төдийгүй нэг хохирогч амиа алдсан байна.

“Танхай этгээд”-ийг барьж Канпур хотын амьтны хүрээлэнд тусгаарласны дараа амьтан судлаачид үзлэг хийж, архины донтолтоос өөр нэгэн гаж эмгэгийг илрүүлжээ. Сармагчин ямар ч жимс, ногоог идэхгүй байсан гэнэ. Үүнээс улбаалан эртэмтэд Калуаг эзэн нь махаар хооллодог байсан учраас хүмүүс рүү халдсан байх гэсэн дүгнэлтийг хийжээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй