Эхнэрийнхээ үгнээс зөрөөд баяжжээ
2020-06-20 10:30

АНУ-ын Өмнөд Каролина мужийн оршин суугчийн эхнэрт нь гэнэт “биеэ засах” шаардлага гарснаар аз нь шовойсон нөхөр нь хагас сая ам.доллараар баяжсан байна.

Хурдны замаар явж байхад гэргий нь “морь харах” хэрэг гарснаа хэлж замын дэргэдэх ШТС-ийн 00 руу чавхаджээ. Нөхөр ч завшааныг ашиглан автомашинаа цэнэглүүлэхээр тооцоо хийхдээ нэгэн үйлчлүүлэгч агшин зуурын хонжвортой сугалааны тасалбар хусч арилгаж байхыг хараад азаа үзэхээр шийдсэн гэнэ.

Тэрбээр сугалаа авна гэдгээ зам зуурт явж байхдаа эхнэртээ хэлэхэд “тэргүүн хатагтай” нь ихэд дургүйцэж байсан гэнэ.

Эхнэрийнхээ лүндэнг үл тоон азаа үзсэн залуу хагас сая долларын супер шагналтай хонжворт сугалааны ялагч болжээ.

Ёндоотой залуу шагналынхаа мөнгийг гэргийнхээ хамт авто аяллаар аялж зугаалахад зарцуулахаар шийдсэн гэнэ. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй