Энжи нөхрөөсөө салсан шалтгаанаа тайлбарлав
2020-06-20 12:04

 

Холливүүдийн хамгийн сайхан хосын нэг байсан 45 настай Анжелина Жоли болон 56 настай Брэд Питт нар салахаар шийдсэнээс хойш тэдний хооронд үүсээд байсан “хүйтэн дайны байдал” намжиж эхэлжээ.

Нэрт жүжигчид сүүлийн үед  учраа ололцож, эцэг, эхийн үүргээ эв найрамдалтайгаар хуваан гүйцэтгэж байгаа юм.

Гэрлэлтээ цуцлуулах асуудлаар хэвлэлийнхэнд өнөөг хүртэл огт ам нээгээгүй байсан Энжи саяхан энэ талаар ярьсан байна.

 “Би гэр бүлийнхээ сайн сайхны төлөө л түүнээс салсан. Энэ бол зөв алхам байсан. Би өнөөдрийг хүртэл хүүхдүүдийнхээ сайн сайхны төлөө амьдарч байна. Намайг дуугүй байсныг зарим хүмүүс ашигласан, хүүхдүүд маань өөрсдийнхөө талаар худал хуурмаг зүйлсийг хэвлэл мэдээллийн хэрэгслүүдээс уншиж байсан. Гэхдээ би хүүхдүүддээ үнэн өөрсдөд минь байдгийг, толгойгоо ажиллуулах хэрэгтэйг байнга сануулж ирсэн юм. Үнэндээ миний зургаан хүүхэд бүгдээрээ зоригтой, хүчтэй залуус шүү” гэж Жоли өгүүлжээ. 

Сануулахад, 2016 оны намар Жоли нөхрөөсөө салах өргөдлөө шүүхэд гаргасан билээ. Тэдний салах болсон гол шалтгаан нь Брэд өргөмөл хүү Мэддокстойгоо муудалцсанаас үүдэлтэй гэж хэвлэлүүд тухайн үед мэдээлж байсан юм.
 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй