Эндүүрээд 1,5 сая еврогийн машин захиалчихжээ
2020-06-22 09:59

ХБНГУ-ын оршин суугч нэгэн будлиу эр санамсаргүйгээр 1,5 сая еврогоор 27 ширхэг Tesla загварын цахилгаан автомашин захиалчихсан байна.

Уг нь мань эр ганц л автомашин авахыг санаархсан ч тус компанийн сайт “факталсан”-аас болж ийм эндүүрэл гарсан аж.

Tesla Model 3 загварын автомашиныг авахаар бүх мэдээллээ сайтад нь оруулаад төлбөрөө хийх гэтэл алдаа заасан байна. Мэдээллээ дахин шинээр оруулаад төлбөрөө хийх гэтэл дахиад л алдаа зааж... Гүргэр герман залуу 26 удаа бүтэлгүй оролдлого хийсний эцэст 27 дахь нь амжилттай болжээ.

Гэвч “бадарчин баярлах болоогүй” байж. Хэсэг хугацааны дараа түүнд 52 мянган еврогийн оронд 1 сая 404 мянган еврогийн үнэ бүхий худалдан авалтыг хүлээн авсан тухай мэдэгдэл ирсэн байна.

Сандарсан эр яаран утас цохисноор худалдааны мэргэжилтэнтэй учраа ололцож гэнэ. Хааяа хааяахан цахим хуудас нь “фактлаад” байгаа тухай тайлбарыг компанийн ажилтан хэлжээ.

Түүний захиалгуудыг бүгдийг нь цуцалсан байна. Захиалгаа дахин шинээр өгөхөөр болсон залуу дахин хэдэн удаагийн оролдлогын эцэст мөрөөдлийн машинаа байрныхаа гадаа сойх юм бол доо. Арай 28 удаа биш биз?...

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй