Том “толгой”-той автомашины эзэн шийтгүүлэв
2020-06-25 10:31

Бусдаас онцгой Toyota Land Cruiser автомашиныг Австралийн цагдаа нар зогсоож, шалгалт хийжээ.

Хууль сахиулагчдын анхаарлыг аварга хэмжээтэй урд хамгаалалт нь татсан байна. Тоноглолыг хэмжиж үзтэл төмөр хоолойн тойргийн хэмжээ зөвшөөрөгдсөн стандарт 50 мм-ээс хавьгүй зузаан буюу 73 мм байсан гэнэ.

Ногоон тивийн хуулиар тээврийн хэрэгслийн жолоочийн үзэгдэх орчинд саад болох тоноглолыг хэрэглэх хориотой тул автомашины эзэн “бүдүүн төмөр”-өө автомашинаасаа салгахаас өөр аргагүй байдалд орсон байна. Мөн 133 австрали доллараар торгуулж, нэг зөрчлийн оноог хасуулсан байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй