Марсьяль “цооров”
2020-06-25 11:28

“Улаан чөтгөр”-үүд Английн Премьер лигийн 2019/20 улирлын 31-р тойргийн тоглолтод “Шеффилд Юнайтед”-ийг 3:0 харьцаагаар бут ниргэсэн байна.

Бүх гоолыг франц довтлогч Антони Марсьяль оруулсан агаад энэ нь “МЮ”-гийн бүрэлдэхүүнд төдийгүй клубын түвшинд оруулж буй түүний анхны хет-трик гэнэ. 

Харин “Манчестер Юнайтед”-ийн тоглогчдоос хамгийн сүүлд Премьер лигийн хүрээнд тэртээ долоон жилийн өмнө л (263 тоглолт) хет-трик хийж байжээ. 2013 оны дөрөвдүгээр сард “Астон Вилла”-тай хийсэн тоглолтод “МЮ”-ийн довтлогч Робин ван Перси өрсөлдөгчийнхөө хаалгыг гурван бөмбөгөөр мялааж байсан аж.

Марсьяль энэ улиралд багийнхаа төлөө оруулсан гоолын тоо нь 19 болсон нь түүний хувийн амжилт гэнэ.

 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй