Автомашинд ахуйн хэрэглээний хий дэлбэрч хүмүүс гэмтжээ
2020-06-26 08:58

Нийслэлийн Сонгинохайрхан дүүрэгт суудлын автомашин дотор ахуйн хэрэглээний хий дэлбэрч, хүмүүс түлэгдэж бэртсэн хэрэг явдал гарчээ.

Тодруулбал, тус дүүргийн 29 дүгээр хороо, “Москва хороолол”-ын 9 дүгээр байрны автомашины зогсоолд суудлын автомашин дэлбэрсэн тухай мэдээллийг зургаадугаар сарын 25-ны 20:05 цагт хүлээн авсан байна.

Дүүргийн Онцгой байдлын хэлтсийн Гал түймрийн улсын хяналтын байцаагчдыг 21:00 цагт очиход иргэн А-ын эзэмшлийн “Сай” загварын суудлын автомашин дотор ахуйн хэрэглээний 220 граммын савалгаатай газ дэлбэрч, автомашинд байсан иргэн Н /20 настай, эрэгтэй/, иргэн М /18 настай, эрэгтэй/ нар түлэгдэж бэртсэнийг нийслэлийн ЯТТТ-өөс ГССҮТөв рүү авч явсан байсан.

Тухайн автомашиныг тус дүүргийн Цагдаагийн 3 дугаар хэлтсийн мөрдөгчид хүлээлгэн өгчээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй