Та сүнсний гэрэл зургийг хармаар байна уу?
2020-06-27 10:39

“PSI Ireland” нийгэмлэгийг үүсгэн байгуулсан Ричард Моррисон болон түүний сонирхол нэгт хэсэг нөхөд төрөлх Ирланд орныхоо өнцөг булан бүрт байдаг олон зуун жилийн турш ам дамжин яригддаг сэтгэл сэрдхийм нууцлаг түүхтэй хуучны цайз, байшингуудаар аялдаг гэнэ.

Саяхан Голуэй гүнлэгт оршдог Castle Ellen House цайзыг зорьж очсон тэд толинд туссан сүнсний гэрэл зургийг авч дөнгөсөн байна.

Толинд туссан дүрс нь 1892 онд таалал төгссөн цайзын эзэн Уолтер Питер Ламбертын сүнс гэдэгт хий үзэгдлийн ангуучид итгэлтэй байгаа аж.

Энэ хүний үхлийн дараа сонин үйл явдлууд өрнөсөн тухай хүмүүс бичиж үлдээсэн байдаг гэнэ. Тэрбээр цайздаа бус зэргэлдээх хотын нэгэн зочид буудалд багтарч үхсэн байна. Түүнийг нас бараад олон цаг өнгөрсний дараа алхан ирж явааг нь үйлчлэгч нь цонхоор хараад ихэд айн цочирдсон гэнэ.

Харин шарилыг нь морин тэргэнд ачин авчрах үеэр дараагийн сонин үйл явдал болсон байна. Тэргэнд хөллөсөн морьд цайзын хашааны хаалгаар орохгүй “бослого” гаргасан тул аргагүйн эрхэнд хүмүүс авсыг гар дээрээ өргөн цайз руу оруулжээ.

Талийгаачийн сүнс цайзандаа хоргодож үлдсэний баталгаа нь дээрхи толинд туссан сүнсний гэрэл зураг гэж “PSI Ireland” нийгэмлэгийн залуус баталж байгаа юм. 

Харин та юу гэж бодож байна?
 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй