Ааштай хүүхэнд шаардлага тавиад “ардын баатар” болжээ
2020-06-29 10:01

АНУ-ын Калифорни мужийн оршин суугч ааш муутай нэгэн бүсгүй хөл хорионы үеийн хамгийн энгийн шаардлага болох амны хаалт зүүгээгүй нөхцөлд үйлчлэхээс татгалзсан баристаг доромжилсон постыг цахим хуудсандаа оруулаад өөрөө онигоонд орсон байна. 

Хамгаалалтын маск зүүгээгүй байж кофе шопоор үйлчлүүлэхийг хүссэн Эмбер Линн Жиль гэгч энэ эмэгтэй өөрт нь үйлчилсэнгүй хэмээн Starbucks-ийн ажилтан Ленин Гутьерресийн гэрэл зургийг оруулан байж хилэнтэй үгсийг фэйсбүүктээ бичжээ.

Ууртай хүүхний “амны хаалт нь хэрэглэж буй хүмүүстэйгээ ижилхэн маанаг” гэсэн утгатай бичвэрийг уншсан хүмүүс дэмжих нь бүү хэл түүнийг шүүмжилж, 24 настай бариста залууд цайны мөнгө цуглуулах аяныг өрнүүлж сэтгэл санааны дэмжлэгийг үзүүлсэн байна.

GoFundMe платформд хандив цуглуулах аян амжилттай өрнөж байгаа бөгөөд бямба гарагийн байдлаар 50 гаруй мянган ам.доллар цуглараад байсан гэнэ.

Олон нийтийн газраар явахдаа амны хаалтыг заавал зүүх хууль Калифорни мужид зургаадугаар сарын 18-наас мөрдөгдөж эхэлсэн агаад 2 хүртэлх насны балчир хүүхэд болон эмнэл зүйн шаардлагаар маск зүүх хориотой хүмүүс л хэрэглэхгүй байж болох аж. 
 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй