Леброн Жэймс дарамтлуулав
2020-06-29 10:58

Америкийн урлаг, спортын хэд, хэдэн од хакеруудын халдлагын золиос болж алдагдсан нууц мэдээллүүд нь дуудлага худалдаагаар зарагдах аюулд ороод байгаа гэнэ. 

Хакеруудын дарамтад Мадонна, Леди Гага, Мэрайя Кэри, Ники Минаж зэрэг голдуу дуучин бүсгүйчүүд ороод байгаа ч “үсгэн дунд тоо цохиж явна” гэдгийн адилаар нэрт сагсан бөмбөгчин “Хаан” Жэймс мөн хохирогч болсон нь олны анхаарлыг ихэд татаж байгаа юм.

“Дуудлага худалдаа” хэдхэн хоногийн дараа болох агаад анхны дуудсан үнэ 600 мянган доллар гэнэ. Гэхдээ энэ тоо цахилгааны хурдаар өсөж буй нь тодорхой.

Сануулахад, REvil хакерын бүлэглэл хэд хоногийн өмнө Grubman Shire Meiselas & Sacks хуулийн компанийн мэдээллийн санд халдаж, шоу бизнес, спортын одуудын гэрээ болон бусад мэдээллүүдийг нь хулгайлсан. Цахим хэрэгтнүүд мэдээллийг буцаж авахыг хүсвэл 42 сая доллар төлөхийг шаардаж хуулийн пүүс болон алдартнуудыг нуман тулгуурт оруулаад байгаа юм.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй