Марго Робби, Жонни Деппийг орлоно
2020-06-29 13:35

“Карибийн тэнгисийн дээрэмчид”-ийг 57 настай Холливүүдийн од Жонни Депп орхих нь тодорхой болсноор киног бүтээгчид үзэгчдийн зүрхийг эзэмдсэн гол дүр болох ахмад Жек Спарроуг орлох гол дүрийн эрэлд гарсан билээ.

Тэд ч хүссэнээ олсон бололтой. Гэхдээ эмэгтэй хүмүүн гол дүр болох гэнэ. 29 настай Марго Робби “Карибийн тэнгисийн дээрэмчид”-ийн шинэ киноны гол дүрийг бүтээх гэрээнд гарын үсэг зурсан байна.

Шинэ кино нь “Карибийн тэнгисийн дээрэмчид” Жонни Деппгүйгээр оршин тогтнож чадах эсэхийг сорих хүндхэн даалгавартай тулгарч байгаа юм.

“Карибийн тэнгисийн дээрэмчид” нь дэлхийн кино урлагийн түүхэн дэх хамгийн амжилттай төслүүдийн нэг байсан бөгөөд таван кино нь 4,5 тэрбум долларын орлого олсон билээ.

Далайн дээрэмчин бүсгүйн тухай өгүүлэх шинэ киноны зохиолыг “Трансформерүүд”  (Transformers), “Бэтгерл” (Batgirl) болон “Махчин шувууд” (Birds of Prey) зэрэг кинонуудын зохиолыг бичсэн Кристина Ходсон бичиж байгаа аж.

Тодруулахад, “Махчин шувууд” киноны гол дүрийг Марго Робби бүтээсэн гэдгийг кино сонирхогчид сайн мэдэж байгаа болов уу...

Марго Робби "Махчин шувууд" (Birds of Prey)

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй