Дуртай хоол нь аз дагуулжээ
2020-06-30 09:46

Оройн хоолондоо хот-дог идэхийн төлөө дэлгүүр лүү явсан Жирар Форри дуртай хоол нь түүнийг их хэмжээний мөнгөтэй болгоно чинээ санаагүй байна.

АНУ-ын Виржини мужийн Рокки Маунт хотын оршин суугч тэрбээр дэлгүүрт орсон хойноо хонжворт сугалааны тасалбараас нэгийг худалдан авч азаа үзэхээр шийдсэн аж. Тэгтэл аз бол сохор юм гэсэн хэлц үгийг үнэн болохыг баталсан үйл явдал болж, халуухан хот-дог идэх хүсэл нь түүнд 100 мянган ам.долларын хожил авчирсан байна. 

Азтай эрхэм их тайван хүн учир сүртэй баяр хөөр болоогүй гэнэ. Харин түүний гэргий гэнэт баярласандаа золтой л нөгөө ертөнц рүү илгээгдчихээгүй байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй