Ховд аймагт хэсэгчилсэн хөл хорио тогтоожээ
2020-06-30 09:58

Тарваган тахал өвчний сэжигтэй тохиолдол гарсантай холбогдуулан Ховд аймгийн Жаргалант, Цэцэг сумдын нутаг дэвсгэрээс гарах, орох зорчих хөдөлгөөнийг өчигдрийн 22:00 цагаас эхлэн тодорхойгүй хугацаагаар хязгаарлажээ.

Ховд аймагт тарваган тахал өвчний сэжигтэй тохиолдол илэрсэн гэх дуудлага мэдээлэл өчигдөр 12:40 цагт Зоонозын өвчин судлалын үндэсний төвд иржээ. Тодруулбал, тус аймгийн Цэцэг сумын Баян-Овоо багийн иргэн 27 настай эрэгтэй Г... тарваган тахлаар өвчилсөн нь урьдчилсан шинжилгээгээр тодорхойлогджээ. Тус иргэний шинжилгээний дээж сорьцыг Зоонозын өвчин судлалын үндэсний төвд илгээсэн бөгөөд албан ёсны баталгаат хариу өнөө орой гарах аж.

ЭМЯ-аас "Тухайн иргэн найзуудтайгаа, гэр бүлийнхэнтэйгээ хамт тарваган тахлын голомт газраас 11-үүлээ гурван тарвага агнан, хүнсэндээ хэрэглэсэн байна. Энэ үйл явдал зургаадугаар сарын 22-нд болж, 26-нд эмнэлэгт хандсан. Түргэвчилсэн тестээр хариу нь эерэг гарсан. Дүүгийнх нь бие халуурч байгаа. Ховд аймагт хэсэгчилсэн хөл хорио тогтоогоод байна. Цаашид бүхэлд нь хөл хорио тогтоож магадгүй” гэлээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй