“Челси” 19-тэй “бацаан”-ыг “Улаан чөтгөрүүд”-ээс урвуулна
2020-06-30 10:33

“Манчестер Юнайтед”-ын хагас хамгаалагч Эйнжел Гомес “Челси”-д ирж магадгүй гэнэ.

Лондоны баг “МЮ”-ын хүүхдийн академийн “бүтээгдэхүүн”-ийг өөрийн болгохыг ихэд хүсч байгаа аж. “Цэнхэрүүд”-ээс гадна залуу тоглогчийг багтаа элсүүлэх өрсөлдөөнд “Гамбург”, “Валенси” болон “Бенфика” гэсэн багууд оролцох сурагтай.

Тодруулахад, 19 настай тоглогчтойгоо гэрээгээ сунгах асуудлаар тохиролцоонд хүрч чадаагүй гэж “МЮ”-гийн ерөнхий дасгалжуулагч Оле-Гуннар Сульшер саяхан мэдэгдсэн билээ. Тэгэхээр Гомес энэ улирлыг дуусгаад багаа орхих нь бараг 100 хувийн баталгаатай асуудал болсон гэсэн үг.

“Манчестер Юнайтед”-ын удирдлагууд залуу тоглогчдоо долоо хоногийн 30 мянган фунт стерлингийн гэрээг санал болгосон нь чамлалттай санагдсан бололтой. 

Гомес “МЮ”-ын хүүхдийн академид зургаан настайгаасаа хичээллэсэн агаад Английн Премьер лигийн таван тоглолтод оролцсон байна.

 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй